Hesekiel 34 : 11
Ai songonon do hata ni Tuhan Jahowa; ida ma, ahu, apala ahu sandiri usouso sogot di birubirungku, jala luluanku nasida.
Ai songonon do hata ni Tuhan Jahowa; ida ma, ahu, apala ahu sandiri usouso sogot di birubirungku, jala luluanku nasida.
Molo usouso nampuna pahanpahanan
di pinahanna na so tarida, ise do usoanna? Alusna “Parmahan hasahatan ni
pahanpahanan i”. Digaji sahalak parhorbo nagodang do sahalak parmahan laho marmahani
horbona. Disada ari dung bot ari, mulak ma parmahan i sian adaran jala
dipamasuk ma horbo i tu bara (kandang). Satongkinnari ro ma nampuna horbo sian
pardalananna, dibilangima horbo na di bara i, hurang sada. Disungkun ibana ma
parmahan i di dia na sadanari, alai ndang boi dialusi, ai so diboto ibana di
dia parliluna. Ndang sonang roha ni parhorbo i, ujungna dapotsa ma naung masuk
do tu bara ni pinahan ni halak na asing. Dapotsa do antong horbona na sanga
lilu ala marsitutu nampunasa i mangalului. Aut disungkun Tuhanta angka pangula
ni Huria di tingki on taringot tu angka ruas na so hea tarida di parmingguon
manang di partangiangan, aha do tagamon alusna ? Aut disungkun Tuhanta angka
natoras taringot tu ianakhonna na so hea ro tu parmingguan manang tu
partangiangan ni naposobulung dohot sikola minggu, aha do tagamon alusna ?
Taboto ma, disada tingki sungkunon ni Debata do i tuangak hasahatan ni
pasupasuNa i : "Dia do i na hubege taringot tu ho"….?
Sotung ro muse hata ni Tuhan i tu angka na so tangkas mangaradoti pinarmahanna songon na sinunirangkon ni si Hesekiel : Marjea ma halak siparmahan Israel, angka na marmahan dirina sambaing ! (ayat 2) Sude do hita di pabangkit Tuhanta gabe parmahan. Parhalado di tongatonga ni Huria, angka natoras di tongatonga ni keluarga. Tangkas taradoti angka na pinalumehon ni Tuhan i tu hita. Sotung tarrimas Tuhanta mida pangalaho ni haparmahanionta, laos diumpat muse naung pinalumehonna i tu hita gabe ujungna luangan pasupasu hita. Naeng ma sahat tu hita be songon hata tudosan ni Tuhanta Jesus : Haposan do ho di na otik, pasahaton ma tu ho godang.
Sotung ro muse hata ni Tuhan i tu angka na so tangkas mangaradoti pinarmahanna songon na sinunirangkon ni si Hesekiel : Marjea ma halak siparmahan Israel, angka na marmahan dirina sambaing ! (ayat 2) Sude do hita di pabangkit Tuhanta gabe parmahan. Parhalado di tongatonga ni Huria, angka natoras di tongatonga ni keluarga. Tangkas taradoti angka na pinalumehon ni Tuhan i tu hita. Sotung tarrimas Tuhanta mida pangalaho ni haparmahanionta, laos diumpat muse naung pinalumehonna i tu hita gabe ujungna luangan pasupasu hita. Naeng ma sahat tu hita be songon hata tudosan ni Tuhanta Jesus : Haposan do ho di na otik, pasahaton ma tu ho godang.
Antong patangkas hita angka
pasupasu na pinasahat ni Tuhanta tu hita, manang naung tangkas do taradoti
saluhutna. Amen
Tidak ada komentar:
Posting Komentar